МИШИК ВА ТЮЛКЮ

Мишик де, тюлкю де: — Итлерден нечик къутулайыкъ? — деп ойлашалар.

— Гьиллаларым кёп, итлерден гьеч къоркъмайман, — деп макътангъан мишик.

— Багь, биргине-бир гьилла булан итлерден къутулма бажарыламы? — деп тамаша бола тюлкю. — Мени етмиш етти гьиллам, етмиш етти макюрчюлюгюм бар.

Хабарлап турагъанда, итлер де булан авчулар гелип къала. Мишик атылып терекге мине. Тюлкю не гьилла этсе де, итлер ону къагъып тутгъан.